inaro akin lamet masyadoy saboy dalam
agak ni angalmusal, agkoni antay nilam
anto may kuanmo " akagngel kay tsismis"
wala siguroy katuwaan to ta agka akaimis
nepeg komon utuben moray kabkabat mo
aliwan siak so pangipapasan moy sabo
siopani so pangikuanan mo ray guligon
no aliwan siyak ya alenleneg mon inarom
balet diya komod kalmantin pitutungtung
piyan say baog ko ag-unkusen o unkurong
natalusan takan lawas balet no maminsan
anggapoy dayew,singaak anggapoy kakanaan
no ebatan taka, umbarong kan naemel-emel
batik kan tampol ed kuartom agka-undengel
balet labalabay mon amu-amuen ya singa oken
makakalekak ya unong, kapigan ka untakken
kasumpalan to inaro siyak so nankasalanan
andi bali lad tan pabawien moak promisam
Tuesday, June 9, 2009
Subscribe to:
Post Comments (Atom)
0 comments:
Post a Comment