say bilunget kaak-akdol toy ermen
apalpalabas iran bekta amamayuen
kusukusuak inaro sikay nonnonoten
taroktarok toray emel kon ayeng-eng
ya salsalukuyay manandun belbeleng
erepen koy silew, panyum anganguben
maruksa ka, nalam amina panangarok
malamang ka inkaindan moray il-ilalok
balet siopaak met ya palsaan taka inaro
ta malugolugon met so liknak ya inter ko
kanyan no maminsan say dilik abageyen
balet manutot so pusok ed ruksan iindaen
ipupulisay ko lay arum ya agko agamuran
mandenden balet siyak labat so kaskasian
labay koy uneyag; iketket kod danganan
anggad lirep isukib tod maganon lingwan
unya manaya mangaroy katuwaan, mairap
man-iilalod kikipasen abayag lan aluspak
Subscribe to:
Post Comments (Atom)
0 comments:
Post a Comment